Tími til að ávaxta...

Nú er Hrafnkell kominn vel á seinni hluta ferðalags síns og ég rétt kominn yfir helming. Eftir svo langt ferðalag er byrjað að sjást á ferðasjóðum okkar. Suma daga lifir maður af undir þúsundkalli og verstu dagarnir hafa ekki farið langt yfir 5000. En við höfum ekki enn komið út í plús. Það mun brátt breytast því að við erum komnir til Macau - Las Vegas austursins !!!

Sitjum nuna sveittir að æfa pókerfésin, undirgjöf og falskar stokkanir.

Stefnum á að byrja á því af fara á hundaveðreiðabrautirnar. Taka síðan góða upphitun í spilakössunum, nokkra góða hringi í rúlettunni og ná loks hápunkti í V.I.P. pókerherbergi. Stefnum á að verða eins og strákurinn í Nation lampoon´s Las Vegas vacation og fá þá fría gistingu á hótelinu og nokkra bíla í lok kvöldsins. Í versta falli sofum við á lestarstöðinni.

Það er riging úti og ég tek það sem merki um að það muni rigna peningum.

Kveðja Gunnar